У ходзе суботняга ўдару па іранскіх ваенных аб'ектах у Сірыі ВПС Ізраіля ўпершыню задзейнічалі найноўшую дальнабойную звышгукавую ракету класа «паветра — зямля» Rampage. Пра гэта паведамляе амерыканскае выданне Defence blog.
Ізраіль скарыстаўся гэтай зброяй з-за пагрозы з боку перадавых зенітных сістэм С-300ПМ-2, якія былі перакінутыя Расіяй у Сірыю мінулай восенню і, як мяркуецца, ужо знаходзяцца ў разгорнутым стане ў раёне Мас'яф, дзе адбывалася атака.
Асаблівасць ракеты заключаецца ў тым, што яна паражае цэль з хірургічнай дакладнасцю і абыходзіць супрацьпаветраны шчыт. Дакладны дыяпазон ракеты невядомы, аднак ізраільскія распрацоўшчыкі паведамлялі, што яе далёкасць перавышае 100 кіламетраў.
Гэтая ракета вагой паўтоны прызначана спецыяльна для прарыву сучасных сродкаў СПА і паражэння добра абароненых аб'ектаў, такіх як камандныя бункеры, зенітныя батарэі, склады з узбраеннем і базы матэрыяльна-тэхнічнага забеспячэння. Усе ізраільскія самалёты, уключаючы F-15, F-16 і F-35, здольныя запускаць дадзеную ракету.
#BREAKING: On 13/04/2019, #Israel Defense Force carried-out an airstrike against missile factory & warehouses of #IRGC & Syrian #Hezbollah in #Masyaf, #Syria destroying multiple artillery rockets and ballistic missile launchers. ImageSat Intl. released its sat images now: pic.twitter.com/5gJP1C85FH
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары