«Дажынкі‑2009» пройдуць у Кобрыне ў другой дэкадзе верасня
Рэспубліканскі фестываль‑кірмаш працаўнікоў вёскі «Дажынкі‑2009» пройдзе ў другой дэкадзе верасня ў горадзе Кобрын і Кобрынскім раёне Брэсцкай вобласці.Адпаведнае распараджэнне прэзідэнт Беларусі Аляксандр Лукашэнка падпісаў 13 студзеня, паведамілі БЕЛТА у прэс‑службе кіраўніка дзяржавы.
Для падрыхтоўкі і правядзення фестывалю‑кірмашу ўтвораны арганізацыйны камітэт пад старшынствам намесніка прэм’ер‑міністра Івана Бамбізы.
На фестывалі‑кірмашы, як і ў папярэднія гады, будуць ушаноўваць пераможцаў рэспубліканскіх спаборніцтваў за дасягненне высокіх паказчыкаў на ўборцы ўраджаю збожжавых і зернебабовых культур, нарыхтоўцы травяных кармоў, вырошчванні лёну і ў вытворчасці жывёлагадоўчай прадукцыі. Тут таксама ўручаць узнагароды пераможцам рэспубліканскага агляду‑конкурсу «Землекарыстанне высокай культуры земляробства, добраўпарадкаванне машынных двароў, жывёлагадоўчых ферм і комплексаў».
На працягу двух месяцаў аргкамітэт павінен зацвердзіць план мерапрыемстваў па падрыхтоўцы і правядзенню «Дажынак‑2009».
Каментары