Цвялілкі, Бубнілкі, Лічылкі, Лапатушкі, Загаданкі, Калыханкі, Пацяшанкі, Хуткамоўкі...
«Радыёла-плюс» адшукала грошык
І выдала вершаў кошык.
Не чарговую для дарослых дуліну
ад Рыгора Барадуліна,
А для дзетак смяшынак мора
Ад дзядзькі Рыгора.
Дзядька Рыгор ня толькі свае ў кошык вершы складаў,
Але і з чужых у наш, беларускі, перакладаў:
З кошыка літоўскага,
З кошыка латышскага,
З кошыка казахскага,
З кошыка малдаўскага,
З кошыка азербайджанскага
і яшчэ шмат з якоганскага.
У кнізе:
Цвялілкі,
Бубнілкі,
Лічылкі,
Лапатушкі,
А таксама:
Загаданкі,
Калыханкі,
Пацяшанкі,
Хуткамоўкі.
А ну-ка, вымаўце хутка:
«Каштуе колькі колкі кончык іголкі?»
Кніга кнігаўкай ужо заляцела ў кнігарні.
(гэта не хуткамоўка,
а праўда, кожнае слоўка).
Рыгор Барадулін. Выпаў грук у грома з рук. Вершы, загадкі, лапатушкі.... Мінск: «Радыёла-плюс». 2008, 158с., 3500 ас.
Цяпер чытаюць
«Я так далёка забралася. Шкада толькі, што не магу паказаць гэта тату». Як жыве дачка Паўла Шарамета праз 10 гадоў пасля яго гібелі1
Каментары