Нядаўна ў сеціве з’явілася відэа, на якім двое дзяўчат жорстка збіваюць адна адну, пад мацюкі і крыкі такіх жа малалетніх гледачоў. Паведамлялася, што бойка адбылася ў канцы снежня ў беларускім Мазыры, а на відэа нібыта дзве п’яныя мясцовыя школьніцы.
«Наша Ніва» высветліла падрабязнасці. На відэа сапраўды мазырскія школьніцы, Аліна С. і Саша Ц. Абедзвюм дзяўчатам па 13 гадоў. Прычынай бойкі сталі абразы ў сацсетках.
Пачалося ўсё з перапісак у ВК. Дакладная прычына трохі незразумелая, але слова за слова паляцелі абразы, каменты пра «выродлівыя фоткі», пасля адна дзяўчына назвала «шл*хай» маці другой, тая адказала, маўляў, «сяброўкі твае шл*хі».
Пасля Саша «забіла стрэлку» Аліне. Тая пагадзілася на сустрэчу.
Вядома, што «стрэлка» адбылася 17 снежня раніцай, яшчэ перад школай. Прычым кажуць, што куча школьнікаў на відэа — знаёмыя і сябры Сашы. Аліна нібыта была адна.
Пасля некалькі хвілін дзяўчаты даволі жорстка збівалі адна адну, рукамі і нагамі.
Відэа бойкі гуляе па сеціве, у артыкул яго нельга далучыць, бо яно ўтрымлівае нецэнзурную лексіку: мацюкаліся і дзяўчаты, і хлопцы, якія не толькі не спрабавалі спыніць бойку, а наадварот, толькі падбадзёрвалі школьніц. Пасля адзін з гледачоў і выклаў відэа ў інтэрнэт.
Па выніку бойкі Аліна вырашыла, што перамагла яна. Кажуць, Саша прапанавала паўтарыць, але рэваншу не адбылося. Аліна адказала, што ёй шкада суперніцу.
Пасля таго, як відэа заўважылі ў сеціве, справай зацікавілася міліцыя. Абедзве дзяўчыны атрымалі папярэджанні і штрафы, кажуць, трохі большыя за 100 рублёў. На ўлік нікога з іх не паставілі.
Кажуць, дзяўчаты не былі п’янымі. Такія бойкі для іх таксама не тое каб норма — прынамсі Аліна С. запэўнівае, што трапіла ў такую гісторыю ўпершыню. Ці часта яе спарынг-партнёрка Саша Ц. забівае «стрэлкі» мазырскім школьніцам, пакуль невядома.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары