Пахаванне генерала іранскага спецпадраздзялення «Аль-Кудс» КВІР Касема Сулеймані адклалі праз занадта вялікую колькасць іранцаў, якія жадаюць развітацца з ім. Аб гэтым паведамляецца ў твітары Press TV.
Адзначаецца, што жалобная цырымонія была сарвана з-за мільёна смуткуючых у родным горадзе Сулеймані Кермане. Усяго насельніцтва горада складае каля 600 тысяч чалавек.
Раней стала вядома, што падчас цырымоніі развітання загінулі 35 чалавек. Пазней паведамлялася аб яшчэ пяці памерлых, колькасць параненых перавысіла 200. Людзі загінулі ў выніку цісканіны.
Кіраўнік «Аль-Кудс» Корпуса вартавых ісламскай рэвалюцыі Касем Сулеймані быў забіты 3 студзеня ў ходзе ракетнага ўдару ЗША па аэрапорце Багдада. Загад аб знішчэнні быў аддадзены асабіста амерыканскім прэзідэнтам Дональдам Трампам. Кіраўнік МЗС Ірана Махамад Джавад Зарыф назваў дзеянні ЗША праявай тэрарызму, а былы камандуючы КВІР паабяцаў адпомсціць за гібель Сулеймані.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм16
Каментары