Асобы без апазнавальных знакаў напалi на жыхароў вёскі Слабада Смалявіцкага раёна
«Сёння вечарам асобы ў масках без апазнавальных знакаў у зялёным напалi на жыхароў вёскі Слабада, што стаялi з бел-чырвона-белымі сцягамi на полі ўздоўж шашы ля Кургана Славы», — напісала жыхарка вёскі Яўгенія.
«Наша Ніва» разабралася, як гэта было.
«Мне кажется, на нас нарвались сотрудники какого-то спецподразделения, которые ехали на ведомственной тачке в Минск, — выказаў «Нашай Ніве» сваю думку сведка. — Отсюда и странный маршрут, и вид не такой, как у обычных тихарей».
Ехалі яны на джыпе.
«У ланцугу ў той момант стаяла каля дзесяці чалавек. Адзін чалавек стаяў па адзiн бок шашы, астатнія — з другога. Ехалі з боку Смалявічаў і спачатку спыніліся каля таго хлопца (ён айцішнік), што стаяў адзін. Праз адкрытае акно амбал у масцы гаркнуў на яго матам, i той вырашыў, што трэба бегчы», — расказала жанчына-сведка.
Пасля гэтага машына, па словах жыхароў Слабады, цераз раздзяляльную паласу развярнулася да астатнix.
«Забрали флаг и древко, переехали древком по ноге. И один мне сказал: «Я тебя запомнил, сука. Еще раз увижу — посажу!» — сказаў аднаму з мужчын чалавек з джыпа.
«Вырвалi ў жанчыны з рук тэлефон, ажно раздзёрлi скуру на руцэ. Тэлефон не сталi забіраць, а проста шпурнулi ў поле», — расказала «Нашай Ніве» жанчына.
«Эти люди вели себя как бандиты», — сказаў іншы сведка.
Слабада, вялікі пасёлак у Смалявіцкім раёне, перажывае такі ж грамадзянскі і патрыятычны ўздым, як і ўся краіна. Напрыклад, мясцовы гісторык цяпер штотыдзень чытае аднавяскоўцам лекцыі па гісторыі Беларусі.
Людзі, з якімі размаўляла «Наша Ніва», звярталі ўвагу на манеру паводзін людзей без апазнавальных знакаў, «не характэрную для міліцыянтаў», і агрэсіўнае стаўленне да беларускай нацыянальнай сімволікі.
Каментары