Экс-ідэолаг Брэсцкага гарвыканкама з мужам атрымалі па 15 сутак за ўдзел у акцыі
19 кастрычніка суд Ленінскага раёна Брэста вынес рашэнне па справе былой супрацоўніцы аддзела ідэалогіі Брэсцкага гарвыканкама Вікторыі Драгабецкай і яе мужа Дзмітрыя Лазарчука: яны абвінавачваліся ва ўдзеле ў несанкцыянаваным мерапрыемстве, піша Tut.by.
Іх абвінавачвалі ва ўдзеле ў пратэстным маршы 13 верасня. У матэрыялах справы ёсць відэазапіс, на якім бачна, як Вікторыя з мужам ішлі па праезнай частцы праспекта Машэрава.
Вікторыя і Дзмітрый прызналі віну цалкам. Дзяўчына патлумачыла, што ў той дзень яны з мужам гулялі па цэнтры Брэста, убачылі ўдзельнікаў маршу і вырашылі паглядзець, што адбываецца.
Затрымалі Вікторыю з мужам праз месяц. Іх спынілі 16 кастрычніка на выхадзе з Дома правасуддзя, куды яны прыехалі падтрымаць знаёмага, якога судзілі па тым жа артыкуле 23.34 КаАП. Выхадныя Вікторыя і Дзмітрый правялі ў ІЧУ Ленінскага РАУС, а ў панядзелак іх прывезлі ў суд.
Падчас пасяджэння зачыталі характарыстыкі Вікторыі з мінулых месцаў працы «Буг-ТБ» і Брэсцкага гарвыканкама. Абедзве — станоўчыя. Таксама да матэрыялаў справы прыклалі грамату за актыўны ўдзел у падрыхтоўцы мерапрыемстваў да 1000-годдзя горада. Падтрымаць Вікторыю прыйшлі яе калегі-журналісты.
Да адміністрацыйнай адказнасці яна раней не прыцягвалася.
Суд прызнаў Вікторыю і Дзмітрыя вінаватымі па ч.1 арт. 23. 34 КаАП і прызначыў кожнаму па 15 сутак арышту.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны41
Каментары