Справу Мікалая Аўтуховіча, якога вінавацяць у тэрарызме, накіравалі ў суд
«Разам з многімі іншымі дзеяннямі, інкрымінаванымі абвінавачаным, Мікалай Аўтуховіч і іншыя абвінавачваюцца ў тым, што ўчынілі акты тэрарызму ў мэтах аказання ўздзеяння на прыняцце рашэнняў органамі ўлады, стварэння перашкод палітычнай дзейнасці, запалохвання насельніцтва і дэстабілізацыі грамадскага парадку», — паведамляе Генпракуратура Беларусі.
Пра затрыманне «групы Аўтуховіча» дзяржаўныя СМІ расказалі 8 снежня 2020 года. Паводле іх, за падпаламі дома міліцыянта ў Ваўкавыску і падрывам аўтамабіля супрацоўніка міліцыі ў Гродне стаіць групоўка, якой кіраваў ваўкавыскі прадпрымальнік Мікалай Аўтуховіч.
Спачатку Следчы камітэт распачаў крымінальную справу паводле ч. 2 арт. 218 КК (наўмыснае пашкоджанне маёмасці, учыненае агульнанебясьпечным спосабам). Потым Генпракуратура перакваліфікавала яго на ч. 1 арт. 289 (акт тэрарызму), які прадугледжвае пазбаўленне волі на тэрмін да 15 гадоў).
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары