Яны паступяць у касы ў панядзелак а 10-й раніцы.
Білеты на матч плей‑оф футбольнай Лігі Еўропы БАТЭ (Барысаў) — «Літэкс» (Ловеч, Балгарыя) паступяць у касы горада Барысава ў панядзелак а 10‑й раніцы.
Кошт залежыць ад шэрагу: 10 тысяч рублёў — 1‑4‑ты шэрагі заходняй трыбуны і 1‑3‑ці шэрагі ўсходняй трыбуны;
15 тысяч рублёў — астатнія шэрагі.
Дзіцячы білет — 2 тысячы рублёў.
ФК БАТЭ запрашае сваіх аматараў наведаць матч і падтрымаць каманду, паведамляе афіцыйны сайт клуба.
***
Матч плей‑оф Лігі Еўропы БАТЭ — «Літэкс» пройдзе 20 жніўня (чацвер) у Барысаве, на гарадскім стадыёне. Пачатак у 19:00.
Пераможца двубою (матч у адказ — 27 жніўня ў Балгарыі) выходзіць у групавы турнір Лігі Еўропы, што ад гэтага сезона замяніла сабой Кубак УЕФА. Не Ліга чэмпіёнаў, але таксама добра.
Як дабрацца з Мінска да Барысава?
1. Сваёй машынай ці аўто са знаёмымі;
2. Маршруткай, кожныя дваццаць хвілін ад аўтавакзала «Маскоўскі». Ехаць 50-60 хвілін. Кошт 10 500. Ад аўтавакзалу да стадыёна, што месціцца на вуліцы Гагарына, можна дайсці пешкі.
3. электрычкі.
Мінск (Інстытут культуры) - Барысаў, адпраўленне ў 15:33, прыбыццё ў 17:10, Мінск-Усходні - Орша, адпраўленне ў 16:26, прыбыццё ў Барысаў у 18:04.
Ёсць цягнік Мінск - Віцебск (№122), адпраўленне з Мінска ў 16:50, прыбыццё ў Барысаў у 17:50.
Назад.
Электрычка Барысаў - Мінск. Адпраўленне ў 22:43, прыбыццё на станцыю Інстытут культуры ў 0:04.
Каментары