Беларусь папярэдзіла Польшчу пра нібыта рыхтаваны на яе тэрыторыі тэракт
Беларускі бок паведаміў Польшчы пра магчымую падрыхтоўку тэрарыстычнага акта на польскай тэрыторыі. Адпаведная інфармацыя была перададзена ў Міністэрстве замежных спраў Беларусі падчас сустрэчы з часовым павераным у справах Польшчы ў Беларусі Кшыштафам Ажанай, паведаміла прэс-служба МЗС.
Як паведамляецца, звесткі пра магчымы тэракт беларускае МЗС атрымала ад сілавых структур у межах дамоўленасцяў аб супрацоўніцтве ў барацьбе са злачыннасцю.
Паводле перададзенай інфармацыі, меркаваны арганізатар рыхтаванага нападу — чалавек, які знаходзіцца ў Польшчы і раней быў асуджаны ў Беларусі па некалькіх артыкулах Крымінальнага кодэкса. Паведамляецца, што нядаўна польскія ўлады пазбавілі яго дадатковай абароны і права жыць у краіне.
Беларускі бок сцвярджае, што мэтай магчымага нападу могуць стаць непаўналетнія дзеці беларускай актывісткі, якая жыве ў Польшчы. Матывам нібыта павінна стаць помста за тое, што жанчына, паводле версіі беларускіх уладаў, недастаткова спрыяла захаванню для гэтага чалавека адпаведнага статусу ў Польшчы.
Прадстаўніку польскай дыпламатычнай місіі таксама паведамілі, што дадатковая інфармацыя па гэтым пытанні пры неабходнасці будзе перадавацца праз каналы ўзаемадзеяння паміж кампетэнтнымі органамі дзвюх краін.
Беларусы без пашпартоў ва Украіне ў жніўні рызыкуюць стаць нелегаламі — яны не змогуць абнавіць ДНЖ
Кіраўнік МЗС Літвы: Палітыка ў дачыненні да Беларусі мяняцца не будзе, змены толькі ў фармулёўках
«Трымайце сваіх кіеўскіх гадаванцаў пад кантролем». Прадстаўнік Беларусі ў АБСЕ выступіў з хамскай прамовай
Новыя дэталі знікнення Анатоля Котава. Яхта з ім змяніла курс на Абхазію, дзе яго вывелі супрацоўнікі ФСБ. Але выкраданне ці інсцэніроўка?
Каментары
ну а теперь, в ответку, надо передать полякам адреса и телефоны всех участников протестов 2020г. Паритет, твою мать... Будет.