Расійскі гандбаліст, якога затрымалі за бойку ў караоке ў Брэсце, абразіўся на фразу «Вы, рускія, ідзіце адсюль»?
Расійскі гандбаліст Аляксандр Сініцын, які прыехаў у Беларусь на зборы разам з клубам «Данскія казакі» з Таганрога, знаходзіцца ў СІЗА за бойку ў Брэсце ў караоке. У дачыненні да яго распачалі крымінальную справу па артыкуле «Хуліганства», пацярпелым па ёй праходзіць беларус (расійскі бок сцвярджае, што ён патрабуе кампенсацыю ў памеры 10 тысяч даляраў). А сваякі і калегі расіяніна тым часам спрабуюць даказаць, што ён быў абражаны па нацыянальнай прыкмеце.
Генеральны дырэктар расійскага клуба Яўген Сямак заявіў ТАСС, што канфлікт з удзелам гандбаліста быў справакаваны супрацоўнікам караоке-бара (падобнай версіі трымаецца і стрыечная сястра спартсмена Крысціна Андрэева). «Уявіце, што ў іншай краіне вам у твар скажуць: «Вы, рускія, ідзіце адсюль», — кажа Сямак. — Што вы зробіце? Ёсць факт, які пацвярджае, што такія словы былі сказаныя. Сітуацыя не вельмі прыемная».
Філіпаў лічыць, што паколькі Беларусь — «сяброўская краіна», то ёсць надзея «на справядлівы зыход». У клубе лічаць, што ў Брэсце была правакацыя і што Сініцына «датэрмінова» вызваляць.
Аляксандру Сініцыну 25 гадоў. Ён — выхаванец санкт-пецярбургскага гандбола. У растоўскі клуб перайшоў гэтым летам а раней гуляў у клубе з Чэхава Маскоўскай вобласці, у складзе якога двойчы рабіўся чэмпіёнам Расіі.
Каментары
Уяўляю, як табе ў Чэчне ў твар такое скажуць. Ты сваю пеўнікавую дзюбу прыкрыешь і паволі пайдзешь.