Rasijski handbalist, jakoha zatrymali za bojku ŭ karaokie ŭ Breście, abraziŭsia na frazu «Vy, ruskija, idzicie adsiul»?
Rasijski handbalist Alaksandr Sinicyn, jaki pryjechaŭ u Biełaruś na zbory razam z kłubam «Danskija kazaki» z Tahanroha, znachodzicca ŭ SIZA za bojku ŭ Breście ŭ karaokie. U dačynieńni da jaho raspačali kryminalnuju spravu pa artykule «Chulihanstva», paciarpiełym pa joj prachodzić biełarus (rasijski bok śćviardžaje, što jon patrabuje kampiensacyju ŭ pamiery 10 tysiač dalaraŭ). A svajaki i kalehi rasijanina tym časam sprabujuć dakazać, što jon byŭ abražany pa nacyjanalnaj prykmiecie.
Hienieralny dyrektar rasijskaha kłuba Jaŭhien Siamak zajaviŭ TASS, što kanflikt z udziełam handbalista byŭ spravakavany supracoŭnikam karaokie-bara (padobnaj viersii trymajecca i stryječnaja siastra spartsmiena Kryścina Andrejeva). «Ujavicie, što ŭ inšaj krainie vam u tvar skažuć: «Vy, ruskija, idzicie adsiul», — kaža Siamak. — Što vy zrobicie? Jość fakt, jaki paćviardžaje, što takija słovy byli skazanyja. Situacyja nie vielmi pryjemnaja».
Filipaŭ ličyć, što pakolki Biełaruś — «siabroŭskaja kraina», to jość nadzieja «na spraviadlivy zychod». U kłubie ličać, što ŭ Breście była pravakacyja i što Sinicyna «daterminova» vyzvalać.
Alaksandru Sinicynu 25 hadoŭ. Jon — vychavaniec sankt-pieciarburhskaha handboła. U rastoŭski kłub pierajšoŭ hetym letam a raniej hulaŭ u kłubie z Čechava Maskoŭskaj vobłaści, u składzie jakoha dvojčy rabiŭsia čempijonam Rasii.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1313
Kamientary
Ujaŭlaju, jak tabie ŭ Čečnie ŭ tvar takoje skažuć. Ty svaju pieŭnikavuju dziubu prykryješ i pavoli pajdzieš.