У суботу 24 верасня ў 32 гарадах Расіі прайшлі пратэсты супраць мабілізацыі. Агульная колькасць затрыманых па звестках на 21.00 — 750 чалавек, паведамляе ініцыятыва «ОВД-Инфо».
Больш за ўсё затрыманых у Маскве — 373 чалавекі, на другім месцы — Санкт-Пецярбург, дзе 123 затрыманых. Потым ідуць Новасібірск — 70 чалавек, затым Иркуцк і Іжэўск — па 20, Томск — 18, Перм і Уфа — па 16, Валгагдад — 11, Волагда — 10.
Таксама затрыманні былі ў Казані, Пскове, Улан-Удэ, Хабараўску, Цвяры, Іванаве, Цюмені, Чарапаўцы і іншых расійскіх гарадах.
Паліцыя пры затрыманнях паводзіла сябе вельмі жорстка. Па словах прэс-сакратаркі ініцыятывы «ОВД-Инфо», ім вядома як мінімум пра дзве крымінальныя справы ў дачыненні да пратэстоўцаў:
«Адна справа ў адносінах да дзяўчыны ў Маскве аб прымяненні гвалту да паліцэйскага. І адну справу распачалі па артыкуле аб дыскрэдытацыі расійскай арміі. За тое, што чалавек паўторна выйшаў на акцыю. Хутчэй за ўсё, колькасць крымінальных спраў вырасце».
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары
Вставай на смертный бой"
...са сваімі царамі-сатрапамі, што знічтажаюць вас, расіян.