U subotu 24 vieraśnia ŭ 32 haradach Rasii prajšli pratesty suprać mabilizacyi. Ahulnaja kolkaść zatrymanych pa źviestkach na 21.00 — 750 čałaviek, paviedamlaje inicyjatyva «OVD-Info».
Bolš za ŭsio zatrymanych u Maskvie — 373 čałavieki, na druhim miescy — Sankt-Pieciarburh, dzie 123 zatrymanych. Potym iduć Novasibirsk — 70 čałaviek, zatym Irkuck i Ižeŭsk — pa 20, Tomsk — 18, Pierm i Ufa — pa 16, Vałhahdad — 11, Vołahda — 10.
Taksama zatrymańni byli ŭ Kazani, Pskovie, Ułan-Ude, Chabaraŭsku, Ćviary, Ivanavie, Ciumieni, Čarapaŭcy i inšych rasijskich haradach.
Palicyja pry zatrymańniach pavodziła siabie vielmi žorstka. Pa słovach pres-sakratarki inicyjatyvy «OVD-Info», im viadoma jak minimum pra dźvie kryminalnyja spravy ŭ dačynieńni da pratestoŭcaŭ:
«Adna sprava ŭ adnosinach da dziaŭčyny ŭ Maskvie ab prymianieńni hvałtu da palicejskaha. I adnu spravu raspačali pa artykule ab dyskredytacyi rasijskaj armii. Za toje, što čałaviek paŭtorna vyjšaŭ na akcyju. Chutčej za ŭsio, kolkaść kryminalnych spraŭ vyraście».
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary
Vstavaj na śmiertnyj boj"
...sa svaimi carami-satrapami, što źničtažajuć vas, rasijan.