Адэса зноў падвергнулася нападу з выкарыстаннем дронаў-камікадзэ, праціўнік тройчы трапіў у адміністрацыйны будынак у цэнтры горада.
Паводле паведамлення, яшчэ адзін дрон збіты сродкамі СПА, ахвяр няма, працягваецца ратавальная аперацыя і тушэнне пажару.
Два дні таму па Адэсе ўжо наносілі ўдары дроны-камікадзэ іранскай вытворчасці Shahed 136 — як паведамлялі ўлады, быў разбураны адміністрацыйны будынак, загінуў адзін чалавек.
СМІ анансавалi маштабныя пастаўкі дронаў з Ірана у Расію летам, расійскія ўлады не пацвярджалі гэтую інфармацыю. У верасні ўкраінскія вайскоўцы заявілі, што ўпершыню збілі Shahed 136 паблізу Купянска ў Харкаўскай вобласці, які быў адваяваны ў расійскай арміі ў выніку контрнаступлення.
Газета Wall street journal пісала, што ўзятыя на ўзбраенне расійскімі вайскоўцамі беспілотнікі атрымалі назву «Герань-2». Звычайна яны лётаюць парамі, а затым уразаюцца ў свае цэлі.
Цяпер чытаюць
У турме памёр былы супрацоўнік КДБ Мікалай Варапай, асуджаны за шпіянаж на карысць Украіны1
Каментары