Брытанская разведка: Страта Херсона перашкодзіць Расіі пракласці калідор у Адэсу
Штодзённая ранішняя зводка Міністэрства абароны Вялікабрытаніі прысвячаецца адыходу расійскіх войскаў з Херсона.
Удары УСУ па мастах праз Днепр — галоўных маршрутах забеспячэння — пазбавілі Расію магчымасці падтрымліваць свае войскі на правым беразе.
Пры адступленні расійскія войскі разбурылі мноства мастоў і, верагодна, замініравалі тэрыторыі, каб запаволіць прасоўванне ўкраінскіх войскаў. Страта Херсона, хутчэй за ўсё, перашкодзіць Расіі ажыццявіць яе стратэгічны план па стварэнні сухапутнага калідора ў Адэсу, гаворыцца ў зводцы брытанскай разведкі.
З-за абмежаванай колькасці перапраў расійскія сілы будуць пад пагрозай пры перасячэнні Дняпра.
Цалкам верагодна, што адыход будзе ажыццяўляцца на працягу некалькіх дзён пад прыкрыццём артылерыйскага агню.
Каментары