За мінулыя суткі Запарожская вобласць перажыла чарговы «рэкорд» нападаў расійскіх акупантаў. Зафіксаваны 34 разбурэнні грамадзянскіх абʼектаў, піша УНІАН.
Як паведаміў кіраўнік Запарожскай абласной ваеннай адміністрацыі Аляксандр Старух, за суткі расіяне 224 разы абстралялі Запарожскую вобласць.
«Жорсткасць захопніка не мае межаў і не перастае жахаць. Прыйшоўшы ў цывілізаваную краіну, варвары знішчаюць інфраструктуру, пад пастаяннай пагрозай жыцці мірных украінцаў, якія знаходзяцца на лінію агню», — сказаў ён.
Расійскія войскі працягваюць сцягваць тэхніку на запарожскім кірунку і не пакідаюць намераў цалкам захапіць тэрыторыю вобласці, 60% якой ужо акупавана.
Напярэдадні захопнікі абʼявілі аб намерах пачаць «вызваленне» вобласці, украінскія вайскоўцы чакаюць актывізацыі баявых дзеянняў у Запарожскай вобласці вясной і летам.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм16
Каментары