ЗША: Падтрымка дэмакратычнай, суверэннай і стабільнай Беларусі трывала ўкаранёная ў каштоўнасцях нашай нацыі
Злучаныя Штаты прысвячаюць сённяшні дзень свабодзе палітзняволеных і «ўсіх беларусаў, якія заслугоўваюць ствараць сваю ўласную будучыню, вольную ад рэпрэсій» і «пуцінскага прымусу», заявіў галоўны намеснік прэс-сакратара Дзярждэпа ЗША Ведант Патэль.
«Нягледзячы на саўдзел рэжыму Лукашэнкі ў вайне Расіі супраць Украіны, смелыя беларусы працягваюць выступаць за незалежную, стабільную і дэмакратычную будучыню Беларусі», — адзначыў амерыканскі чыноўнік.
Паводле яго слоў, «перад абліччам жорсткага і сістэматычнага падаўлення рэжымам Лукашэнкі ўсіх слаёў беларускага грамадства беларускі дэмакратычны рух і грамадзянская супольнасць па-ранейшаму мужна рухаюцца наперад за свабодную Беларусь».
Патэль нагадаў пра новыя санкцыі супраць рэжыму Лукашэнкі, а таксама «захады па ўзмацненні падтрымкі дэмакратычнай Беларусі» і планы стратэгічнага дыялогу з «дэмакратычным рухам і грамадзянскай супольнасцю».
Ціханоўская прапанавала стварыць у Гарвардзе стыпендыю для беларусаў
Ціханоўская: Мы просім выратаваць Беларусь ад Лукашэнкі
Івонка Сурвіла: Я вельмі задаволеная, калі бачу, што Ціханоўскую прымаюць і слухаюць
Вашынгтон аб’явіў «стратэгічны дыялог» з дэмсіламі Беларусі. Што гэта значыць і чаму толькі з канца года?
Каментары