Жонка палітвязня Андрэя Скурко Паўліна перадала сваім падпісчыкам у інстаграме «мілы нядзельны прывет» — новы дзіцячы вершык мужа, адрасаваны найперш сыну Тамашыку, але, вядома, і іншым дзеткам таксама.
Верш напісаны на паштоўцы з выявай ваўчаняці ў лесе. Верагодна, гэтая выява і натхніла паэта на творчасць.
Маналог ваўчаняці
Дзе падзеліся сябры?
Ціха неяк у бары.
Барсукі, відаць, паснулі.
Заяц з’ехаў да бабулі.
А мядзведзік гаспадарыць
І з малін варэнне варыць…
З кім бы гэта пагуляць?
Можа, хвост падаганяць?
Цяпер чытаюць
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве1
Каментары