У 44 гады памерла актрыса тэатра-студыі кінаакцёра Ларыса Маршалава
У трупе тэатра яна працавала з 2001 года, здымалася ў кіно, як паведамляе «Люстэрка».
Творчую дзейнасць яна пачала з маленькіх роляў. Але, як сказана на сайце тэатра, «у іх адразу была прыкметная глыбіня характараў і асабістае, сапраўды жаночае, здольнае стварыць лёс — усё тое, што так любіць і шануе глядач».
«Работніца сцэны, надзвычай прыстойная, прафесійная, абавязковая — яна заўсёды на ўзроўні рэжысёрскай задачы, заўсёды нацэленая на рашэнне жанравых і сэнсавых мэтаў сваіх персанажаў, заўсёды ў рэчышчы выразнай манеры ўсяго ансамбля спектакля», — паведамляецца на яе старонцы.
У пастаноўках «Ганна Снегіна», «Як выходзяць у людзі, або На ўсякага мудраца даволі прастаты», «Механічны чалавек» і «№13» Ларыса Маршалава грала галоўныя ролі.
Яна здымалася ў беларускіх і расійскіх фільмах і серыялах. На рахунку актрысы дзясяткі карцін. У 2022 годзе выйшаў беларускі фільм «Забароненая група» з яе ўдзелам, сёлета — расійскі міні-серыял «Салавейка».
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1515
Каментары
Светлая память!!!