Ноччу 14 жніўня ў Адэсе прагрымела серыя выбухаў. Расіяне тройчы атакавалі Адэсу. Сілы супрацьпаветранай абароны збілі 15 ударных БПЛА і 8 ракет тыпу «Калібр». Абломкі збітых ракет пашкодзілі супермаркет і інтэрнат, папярэдне пацярпелі тры чалавекі, піша «УП».
«Вораг тройчы атакаваў ноччу Адэскую вобласць, ужыўшы дзве хвалі ўдарных дронаў, агульнай колькасцю 15 штук, і 8 ракет марскога базавання тыпу «Калібр». Сіламі супрацьпаветранай абароны ўсе атакі былі адбіты», паведамляе канал Сіл абароны поўдня Украіны.
Паведамляецца, што ў выніку збіцця ракет, якія вораг накіраваў у цэнтр Адэсы, абломкамі пашкоджаны інтэрнат адной з навучальных устаноў і супермаркет.
Таксама выбухной хваляй пашкоджаны вокны і балконы ў некалькіх будынках, пабіты прыпаркаваныя побач аўтамабілі.
На двух аб'ектах успыхнуў агонь, над ліквідацыяй якога працуюць пажарныя.
Каментары