У Магілёўскай вобласці ладзяць маштабныя вайсковыя зборы. Прызываюць вайскоўцаў запасу
З 5 па 27 верасня пад кіраўніцтвам старшыні Магілёўскага аблвыканкама праводзяцца навучальныя зборы. У іх бяруць удзел ваеннаабавязаныя тэрытарыяльных войскаў Магілёўскага, Асіповіцкага і Чавускага раёнаў, паведамляе Мінабароны.
Мэта збораў — павышэнне навыкаў службовых асоб выканкамаў у фарміраванні вайсковых часцей тэрытарыяльных войскаў, а ваеннаабавязаных — у выкананні абавязкаў па спецыяльнасці.
Падчас збораў будуць адпрацаваныя наступныя мерапрыемствы:
- прыём ваеннаабавязаных тэрытарыяльных войскаў і іх поўнае забеспячэнне з выкарыстаннем рэсурсаў мясцовай базы мабілізацыйнага разгортвання;
- аднаўленне навыкаў каманднага складу ў кіраванні падначаленымі;
- падрыхтоўка ваеннаабавязаных да выканання задач у адпаведнасці з вайскова-ўліковымі спецыяльнасцямі і службовым прызначэннем;
- фарміраванне, падрыхтоўка і прымяненне атрадаў народнага апалчэння.
На завяршальным этапе з сіламі тэрытарыяльнай абароны Магілёўскай вобласці будуць праведзеныя камандна-штабныя вучэнні пад кіраўніцтвам начальніка ўпраўлення тэрытарыяльнай абароны — намесніка начальніка Генштаба.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм15
Каментары