У Варшаве праходзіць Кірмаш гістарычнай кнігі. Там ёсць і беларускі стэнд
З 30 лістапада па 3 снежня ў Варшаве праходзіць Кірмаш гістарычнай кнігі. Дзякуючы працы Цэнтра беларускай салідарнасці на Кірмашы быў створаны асобны беларускі стэнд. Там прадстаўленыя беларускія кнігі, вядомыя аўтары і незалежныя выдавецтвы, паведамляе Цэнтр беларускай салідарнасці.
Кірмаш праходзіць у самым сэрцы Варшавы — Каралеўскім замку (plac Zamkowy 4).
Уваход на Кірмаш толькі з боку вуліцы Grodzkiej (адваротная частка замка). Пасля таго, як вы зойдзеце на Кірмаш, неабходна ісці ў левы бок да самага канца, дзе вас чакае беларускі стэнд нумар 71 і 72
Даты творчых сустрэч і прэзентацый кніг:
02.12 / 15:00 Беларускі стэнд
Прэзентацыя кніг Алеся Аркуша «Тастамент Рагвалода» і «Вечар — як сон, у якім шмат агнёў», а таксама сустрэча аўтара з чытачамі.
02.12 / 16:00
Прэзентацыя кнігі Евы Вежнавец «Па што ідзеш, воўча?» і сустрэча аўтаркі з чытачамі.
02.12 / 17:00
Прэзентацыя кнігі Альгерда Бахарэвіча «Плошча Перамогі» і сустрэча аўтара з чытачамі.
03.12 / 15:00
Прэзентацыя кнігі Уладзіслава Гарбацкага «Экспедыцыя Вацлава Ластоўскага па Палессі» і сустрэча аўтара з чытачамі.
Каментары