З 18 сакавіка ў Літве ўвялі строгі кантроль за збожжам, што ўвозіцца на тэрыторыю краіны з Расіі, акупаваных ёю рэгіёнаў іншых дзяржаў і Беларусі, паведамляе LRT.
У сувязі з узмоцненым кантролем будуць правяраць кожны вагон або транспартны сродак са збожжам імпартнай вытворчасці, прызначаным як для літоўскага рынку, так і для экспарту праз Клайпедскі порт.
У найбліжэйшы час будуць прынятыя новыя рашэнні па яшчэ больш строгім кантролі — тады будуць правяраць і паходжанне збожжа, якое перавозяць праз Літву, паведаміла Міністэрства сельскай гаспадаркі гэтай краіны.
«Міністэрства сельскай гаспадаркі ў адказ на інфармацыю аб рэалізацыі збожжа, канфіскаванага Расіяй на акупаваных тэрыторыях, праз парты Балтыйскага мора, тэрмінова прыняло меры па ўзмацненні кантролю за збожжам, што ўвозіцца з Расіі і іншых краін падвышанай рызыкі», — гаворыцца ў заяве міністра сельскай гаспадаркі Літвы Кястуціса Навіцкаса.
Пакуль будуць правяраць толькі фуражнае збожжа, а працэдура праверкі харчовага збожжа павінна ўступіць у сілу крыху пазней.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары