Скандал у турэцкім футболе: «Фенербахчэ» сарваў Суперкубак, пакінуўшы поле праз 50 секунд пасля пачатку гульні
Перамогу прысудзілі «Галатасараю».
Матч за Суперкубак Турцыі паміж стамбульскімі «Галатасараем» і «Фенербахчэ» завяршыўся праз 50 секунд пасля стартавага свістка. Пасля гола нападніка «Галатасарая» Маўра Ікардзі футбалісты «Фенербахчэ» па камандзе трэнера арганізавана пакінулі поле.
Пра тое, што «жоўтыя канарэйкі» збіраюцца сарваць матч за Суперкубак, стала вядома загадзя. Клуб збіраўся наогул не выходзіць на гульню ў знак пратэсту супраць прызначэння на фінал турэцкага, а не замежнага арбітра. Каманда на полі ўсё ж з'явілася, але трэнер «Фенербахчэ» выставіў на матч футбалістаў 2005-2006 гадоў нараджэння з юніёрскай каманды.
Пасля дэмаршу клуб атрымаў тэхнічную паразу, «Галатасарай» стаў уладальнікам Суперкубка Турцыі.
У «Фенербахчэ» сур'ёзны канфлікт з турэцкай федэрацыяй футбола. Ён абвастрыўся ў сакавіку, калі на футбалістаў пасля матчу чэмпіянату Турцыі напалі фанаты «Трабзанспора». Босы «Фенербахчэ» лічаць, што федэрацыя і ўлады апошнія 20 гадоў прынцыпова не забяспечваюць бяспеку гульцоў каманды, а суддзі ставяцца да каманды прадузята. У клубе нават заявілі аб жаданні выйсці з турэцкай Суперлігі.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары