Дзмітрый Мядзведзеў заклікаў ісці на Харкаў, Адэсу, Днепр, Кіеў і далей
Экс-прэзідэнт Расіі і намеснік старшыні Рады бяспекі Дзмітрый Мядзведзеў у сваім тэлеграм-канале ў традыцыйным для сябе стылі пракаментаваў сітуацыю вакол Курскай вобласці.
«З гэтага моманту СВА (так у Расіі называюць вайну супраць Украіны — НН) павінна набыць адкрыта экстэрытарыяльны характар. Гэта ўжо не проста аперацыя па вяртанні нашых афіцыйных тэрыторый і пакаранні нацыстаў», — кажа былы прэзідэнт Расіі.
«Можна і трэба ісці на землі пакуль яшчэ існуючай Украіны. Да Адэсы, да Харкава, да Днепрапятроўска, да Мікалаева. Да Кіева і далей. Не павінна быць ніякіх абмежаванняў у сэнсе нейкіх кімсьці прызнаваных межаў украінскага рэйха. І пра гэта зараз можна і трэба казаць адкрыта, без сарамлівасці і дыпламатычных рэверансаў. Тэрарыстычная аперацыя бандэраўцаў павінна зняць з гэтай тэмы любыя табу. … Мы спынімся толькі тады, калі палічым для сябе гэта прымальным і выгадным», — кажа Мядзведзеў.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары