Аб'яднаныя Арабскія Эміраты разглядаюць магчымасць поўнага прыпынення вайскова-тэхнічнага супрацоўніцтва з Францыяй праз арышт заснавальніка Telegram Паўла Дурава, які з'яўляецца грамадзянінам ААЭ.
Як піша The Daily Guardian, пасля арышту Дурава ААЭ ўжо замарозілі кантракт на куплю ў Францыі 80 самалётаў-знішчальнікаў. І гэта можа быць толькі пачаткам.
Паводле звестак з адкрытых крыніц, большая частка ўзбраенняў ААЭ заходняй вытворчасці, з 2011 года ў іх на ўзбраенні знаходзяцца 388 французскіх танкаў «Леклерк».
У 1998-2000 гадах былі заключаныя два буйныя кантракты на пастаўку авіятэхнікі аднаго класа з Францыі («Міраж-2000-9») і ЗША (F-16C/D Блок 60).
У 2021 годзе французская кампанія Dassault Aviation заключыла кантракт з ААЭ на пастаўку 80 знішчальнікаў Dassault Rafale ў мадыфікацыі F4. У кантракт на суму каля €17 мільярдаў таксама ўваходзіць закупка Абу-Дабі 12 шматмэтавых верталётаў Airbus Helicopters H225M.
Выданне піша, што ААЭ запыталі консульскі доступ да Дурава на фоне росту дыпламатычнай напружанасці. Сцвярджаецца, што Дураў — не толькі грамадзянін ААЭ, але і блізкі сябар намесніка прэм'ер-міністра краіны Хамдана Аль Мактума.
Мікалая Дурава, брата Паўла Дурава, таксама абвясцілі ў вышук французскія ўлады. Стала вядома за што
Маці траіх дзяцей Дурава падавала на яго ў суд з-за аліментаў і гвалту
Макрон прапаноўваў Дураву перанесці штаб-кватэру Telegram у Парыж, а спецслужбы Францыі ламалі айфон заснавальніка месенджара
Дураў збіраўся сустракацца з Макронам перад затрыманнем? Вось хто пра гэта выдумаў
Павел Дураў пасля эміграцыі ў 2014 годзе бываў у Расіі не менш за 50 разоў
Каментары