Новы трэнд на працу стоячы — апраўданы ці не.
У апошнія гады ўсё большую папулярнасць набываюць пісьмовыя сталы для працы стоячы — як дома, так і ў офісах. Гэтыя сталы рэкламуюцца як эфектыўны спосаб барацьбы з негатыўнымі наступствамі працяглага сядзення за камп'ютарам, што стала непазбежнай часткай сучаснага ладу жыцця. Але ці сапраўды такая практыка спрыяе здароўю?
Як піша The Guardian, даследаванне, праведзенае вучонымі Сіднейскага ўніверсітэта, засведчыла, што працяглае знаходжанне стоячы не зніжае рызыку такіх захворванняў, як інсульт і сардэчная недастатковасць, нягледзячы на шырока распаўсюджанае меркаванне пра супрацьлеглае.
Вынікі даследавання, апублікаваныя ў International Journal of Epidemiology, сведчаць, што знаходжанне на нагах больш за дзве гадзіны на дзень можа павялічыць рызыку ўзнікнення такіх праблем, як трамбоз глыбокіх венаў і варыкознае пашырэнне венаў.
Для вызначэння карысці стаяння для здароўя даследчыкі прааналізавалі даныя 83 013 дарослых з базы брытанскага біябанка. Удзельнікі не мелі сардэчных захворванняў на пачатку даследавання і насілі прылады для адсочвання рухаў.
Вучоныя адзначаюць, што не выявілі карысці стаяння ў зніжэнні рызыкі сардэчных захворванняў, такіх як інсульт, сардэчная недастатковасць і ішэмічная хвароба сэрца.
Наадварот, іх даследаванне паказала, што кожныя дадатковыя 30 хвілін стаяння звыш дзвюх гадзін павялічвалі рызыку сардэчна-сасудзістых захворванняў на 11%.
Аўтары падкрэсліваюць важнасць руху незалежна ад таго, працуе чалавек стоячы ці седзячы. Перапынкі для актыўнасці паляпшаюць зварот крыві, зніжаюць рызыку праблем са здароўем, звязаных з працяглым знаходжаннем у адной позе. Нават кароткія пераходы, пад’ёмы па лесвіцы ці разміначныя практыкаванні могуць прынесці карысць і папярэдзіць негатыўныя наступствы ад доўгай працы за сталом.
Вучоныя таксама звяртаюць увагу, што іх ранейшае даследаванне паказала, што 6 хвілін інтэнсіўных фізічных практыкаванняў або 30 хвілін умераных і інтэнсіўных нагрузак за дзень могуць дапамагчы знізіць рызыку сардэчна-сасудзістых захворванняў нават у тых, хто вядзе малаактыўны лад жыцця больш за 11 гадзін у дзень.
Што такое актыўнае сядзенне? Калі рабіць так, сядзячая праца будзе не такой шкоднай
«Тэкставая шыя». Шмат часу сядзіце за камп’ютарам і спіна пачынае гэта адчуваць? Падказваем, як з гэтым змагацца
У які час дня лепш за ўсё займацца спортам? І як без стрэсу выпрацаваць звычку
Павольныя трэніроўкі з нізкай інтэнсіўнасцю — досвед спартоўцаў-чэмпіёнаў паказаў, што гэта працуе найлепш
Цяпер чытаюць
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары