«Мір дзякуючы сіле магчымы!» Зяленскі ў Парыжы сустрэўся з Трампам і Макронам
Падчас паездкі ў Парыж на адкрыццё пасля пяцігадовай пасляпажарнай рэканструкцыі сабора Нотр-Дам прэзідэнт Украіны Уладзімір Зяленскі правёў сустрэчу з прэзідэнтам Францыі Эмануэлем Макронам і абраным прэзідэнтам ЗША Дональдам Трампам.
Зяленскі прыбыў у Елісейскі палац у 17.30 паводле мясцовага часу. Перад гэтым туды прыбыў Трамп.
Па словах прэс-сакратара ўкраінскага прэзідэнта Сяргея Нікіфарава, сустрэча трох лідараў праходзіла без сведкаў, апрача іх у пакоі больш нікога не было. Працэгласць сустрэчы — 35 хвілін, ніякіх супольных заяў для прэсы пасля яе не рабілася.
Уладзімір Зяленскі, аднак, пракаментаваў сустрэчу з Макронам і Трампам асобна, назваўшы яе прадуктыўнай.
«Добрая, прадуктыўная сустрэча з прэзідэнтам Трампам і прэзідэнтам Макронам. Прэзідэнт Трамп, як і заўсёды, настроены рашуча. Дзякуй за гэта. Таксама дзякуй прэзідэнту Макрону за арганізацыю гэтай сустрэчы ў Парыжы. Размаўлялі пра нашых людзей, сітуацыю на полі бою і справядлівы мір для Украіны.
Мы ўсе хочам завяршыць гэтую вайну як мага хутчэй і справядліва. Дамовіліся працаваць далей. Мір дзякуючы сіле магчымы!»
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм15
Каментары
)
цікава, каго ж запросяць на адкрыццё пасляпажарнага Будслаўскага ці ўвогуле Чырвонага касцёла? паўночных карэйцаў? зімбабвійцаў?