Ілан Маск заклікаў галасаваць за «Альтэрнатыву для Германіі». Інакш прадракае «канец Германіі»
Падтрымка Маска выклікае неадназначную рэакцыю ў Германіі.
Амерыканскі мільярдэр і заснавальнік Tesla Ілан Маск зноў публічна падтрымаў правапапулісцкую партыю «Альтэрнатыва для Германіі». Напярэдадні муніцыпальных выбараў у зямлі Паўночны Рэйн-Вестфалія, якія пройдуць 14 верасня, ён напісаў у X: «Альбо Германія выбірае АдГ, альбо гэта канец Германіі».
Як піша Bild, раней Маск ужо выказваўся ў падтрымку партыі: падчас кампаніі да выбараў у Бундэстаг ён заявіў, што «толькі АдГ можа выратаваць Германію». Таксама ён меў зносіны на платформе X з сустаршынёй партыі Алісай Вайдэль і дыстанцыйна ўдзельнічаў у яе перадвыбарным мітынгу ў Хале, дзе назваў АдГ «найлепшай надзеяй для Германіі».
Падтрымка Маска выклікае неадназначную рэакцыю ў Германіі. Буйныя кампаніі пачалі сыходзіць з яго платформы X, а давер да самога бізнэсоўцы ўплывае і на перспектывы Tesla. На фоне пратэстаў і падзення попыту на электрамабілі кампанія ў другім квартале запар зафіксавала зніжэнне прыбытку: чысты прыбытак склаў 1,17 млрд даляраў — на 16% менш, чым годам раней.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары
Но, что более вероятно, ао аремя этого заявления был под травкой.....