Грамадзянка Германіі марна спрабавала ўвезці ў Беларусь 15 залатых зліткаў
Грамадзянка Германіі, якая прыбыла ў Нацыянальны аэрапорт Мінск авіярэйсам «Стамбул — Мінск», не задэкларавала 15 зліткаў золата, паведамляе Дзяржаўны мытны камітэт.

Яна перасякала мытную мяжу па зялёным калідоры, прызначаным для праходжання без тавараў, што падлягаюць дэклараванню. Мінскія мытнікі засумняваліся ў яе дзеяннях, перанакіравалі жанчыну на чырвоны калідор. І пры аглядзе багажу выявілі залатыя зліткі і манету.
Грамадзянка расказала, што набывала каштоўнасці на рынках у розных краінах і не ўпэўнена, што яны сапраўды залатыя. Меркаванае золата накіравана на экспертызу.
Вынік даследавання — 15 залатых зліткаў 999,9 пробы агульнай масай больш за 117 г і залатая манета вагой больш за 30 г. Кошт незаконна перамешчаных праз мяжу тавараў склаў больш за 78 тыс. рублёў, што значна перавышае дазволенае.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
Каментары