У Мазыры мужчына некалькі разоў ударыў нажом жонку, а потым кінуўся з ім на міліцыянера
Міліцыянер ужыў табельную зброю.
Shutterstock.com
Сёння ноччу ў Мазырскі РАУС патэлефанавала дзяўчынка і паведаміла, што яе бацька нанёс маці нажавыя раненні.
На месца здарэння выехалі супрацоўнікі міліцыі. З кватэры на першым паверсе даносіліся крыкі аб дапамозе і стогны, паведамляе прэс-служба МУС.
Дзверы былі замкнёныя, адзін з міліцыянераў прабраўся ў жыллё праз адчыненае акно.
На падлозе ён убачыў жанчыну ў крыві, а побач — п’янога мужчыну з нажом у руках. Патрабаванні супрацоўніка кінуць зброю агрэсар праігнараваў і накіраваўся ў бок міліцыянера. Каб абясшкодзіць, участковы інспектар прымяніў табельны пісталет.
У бальніцу дастаўленыя 41‑гадовы падазраваны і яго 33‑гадовая жонка. Жанчына ў цяжкім стане. З дзецьмі ўсё ў парадку, іх перадалі сваякам.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары