«Проста рыхтуюць глебу, каб нанесці ўдары». Зяленскі абвергнуў абвінавачанне ў атацы на пуцінскую рэзідэнцыю
Прэзідэнт Украіны Уладзімір Зяленскі зняпраўдзіў словы міністра замежных спраў Расіі Сяргея Лаўрова аб нібыта атацы 91 украінскага беспілотніка на рэзідэнцыю Пуціна ў Наўгародскай вобласці і абвінаваціў Расію ў хлусні, піша «Суспільне». Ён звязаў з'яўленне гэтых абвінавачванняў са сваімі паспяховымі перамовамі з прэзідэнтам ЗША Дональдам Трампам у Мар-а-Лага.
На думку Зяленскага, Масква спрабуе стварыць інфармацыйны фон для эскалацыі, бо прагрэс у стасунках Украіны і ЗША з'яўляецца «правалам для расіян».
«Расіяне не хочуць закончыць гэтую вайну. Сваёй заявай, што атакаваная была нейкая рэзідэнцыя, яны проста рыхтуюць глебу для таго, каб нанесці ўдары па сталіцы [Украіны] і па дзяржаўных будынках», — падкрэсліў кіраўнік дзяржавы.
Зяленскі нагадаў пра ракетны ўдар па будынку Кабінета Міністраў Украіны ў верасні і заклікаў украінцаў быць максімальна ўважлівымі да сігналаў трывогі ў найбліжэйшы час.
Варта адзначыць, што колькасць дронаў, якія агучыў Лаўроў, супярэчыць звесткам Мінабароны РФ, апублікаваным раніцай 29 снежня. Паводле інфармацыі абароннага ведамства, ноччу над Наўгародскай вобласцю спачатку нібыта збілі 18 дронаў, а затым яшчэ 23 беспілотнікі. Лаўроў жа налічыў ажно 91.
Украінскае вайсковае кіраўніцтва пакуль не каментавала гэтыя абвінавачванні.
Расія абвінаваціла Украіну ў атацы на рэзідэнцыю Пуціна, пагражае адплатай
Зяленскі: Украіна хоча атрымаць ад ЗША гарантыі бяспекі на 30—50 гадоў, Трамп абяцаў падумаць
Зяленскі расказаў, ці гатовы сустрэцца з Пуціным
Усё, акрамя Данбаса і яшчэ пары пунктаў. Пра што дамовіліся Дональд Трамп і Уладзімір Зяленскі ў Фларыдзе
Трамп: Няўзгодненымі застаюцца адно-два найбольш складаныя пытанні пагаднення па Украіне
Цяпер чытаюць
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве11
Каментары