Сілавікі затрымалі 19‑гадовага жыхара Пінска, які, паводле МУС, прапагандаваў нацыянал-сацыялістычную ідэалогію, вёў свой тэлеграм-канал адпаведнай тэматыкі.
Як паведамляе прэс-служба міністэрства, хлопец пісаў паведамленні, «накіраваныя на папулярызацыю і апраўданне нацысцкага рэжыму», адмаўляў яго злачынствы, а таксама прапагандаваў ультраправыя ідэі.
Акрамя таго, піша МУС, пінчук «займаўся гераізацыяй калабарантаў часоў Вялікай Айчыннай вайны, перайначваў гістарычныя факты і навязваў аўдыторыі ўласную радыкальную трактоўку падзей XX стагоддзя, абапіраючыся на неправераныя, псеўданавуковыя і заведама сумнеўныя крыніцы».
Заведзеная крымінальная справа. МУС паведамляе, што хлопцу пагражае да 5 гадоў няволі.
Каментары