Прычыны — адмова ў рэгістрацыі таварнага знака «Што было далей» (ШБД) + 50‑гадовая забарона Сабураву на ўезд у Расію + зручнасць лакацыі для асобных гасцей, пiша Mash.
Дэпартацыя Нурлана Сабурава стала апошнім аргументам для пераезду дзецішча Labelcom у Казахстан. Каманда ўжо абкатала здымкі ў рэспубліцы — клікала Скрыптаніта, які супраць вайны, і блогера Аляксандра Зубарава. На гэтых пілотах комікі зразумелі: лакацыя адкрывае цікавае супрацоўніцтва. Да таго ж новы канал на Ютубе без праблем манетызуецца, бо зарэгістраваны за мяжой.
Праблемкі ў аўтараў шоу пачаліся задоўга да адмены Сабурава: у прадзюсара Максіма Марозава ў 2022‑м не выйшла атрымаць таварныя знакі «Што было далей» і «ШБД». Распатэнт не знайшоў у шоу ўнікальнасці і спаслаўся на велізарную каманду: маўляў, замацоўваць правы толькі за адным несумленна. Марозаў сабраў відэазвароты Нурлана Сабурава, Аляксея Шчарбакова, Эміра Кашокава, Іллі Макарава і Тамбі Масаева са згодай на рэгістрацыю знака. Не дапамагло, вердыкт не змяніўся.
Тады прадзюсар пайшоў у суд з тым жа запытам, паралельна спрабаваў даказаць, што Сабураў — толькі вядучы, да кіраўніцтва ШБД дачынення не мае, рашэнняў не прымае. Ніхто не паверыў. Без таварнага комікі маглі страціць брэнд.
Праект прыдумаў, прафінансаваў і запусціў у 2019‑м Вячаслаў Дусмухаметаў.
Каманда доўга білася за ўвагу рэкламадаўцаў — адмаўлялі з-за таксічнасці праекта. Толькі праз год шоу пайшло ў плюс. У 2025‑м ШБД выйшла на дарагія рэкламныя слоты — гэта 35 млн расійскіх рублёў (450 тысяч даляраў) за звычайны выпуск чыстымі і 60 млн за навагоднія (775 тысяч даляраў). Рэкорд за ўсе інтэграцыі, ужо пасля сыходу на Ютуб, — 120 млн расійскіх рублёў (1,5 млн даляраў).
Каментары