Сям’я гродзенца Вані Сцяцэнкі знаходзіцца на лячэнні ў Дубаі. Там жа яны сустрэлі атаку дронаў. Мама Вані Аляксандра расказала ў Instagram, як яны перажываюць гэты этап, піша Hrodna.life.
1 сакавіка адмянілі заняткі ў клініцы на 2‑е чысло.
«У сувязі з бягучай сітуацыяй і для гарантавання бяспекі нашых дзяцей і іх сем’яў мы адмяняем заўтрашнія прыёмы ў якасці меры засцярогі», — напісалі Аляксандры.
Іх просяць не панікаваць і абяцаюць паведаміць новыя даты прыёмаў пасля стабілізацыі сітуацыі.
«Сёння Ванюха быў вельмі ўсхваляваны, калі пачуў упершыню грукат, гэта было некалькі разоў. Па шуму нагадала салют. Потым ён пачаў лавіць мяне, што я ўсё збіраю і навошта гэта раблю. Але мы трывожныя думкі пераключылі на іншыя справы. У нас усё добра і спакойна», — напісала Аляксандра 1 сакавіка.
Напярэдадні сям’я сабрала «трывожны» чамадан.
Пра хлопчыка стала вядома на ўсю краіну ў лістападзе 2025 года, калі выбухнуў скандал вакол затрымання двух блогераў з Гродна — 17‑гадовага Міхаіла Драгуна і яго 37‑гадовай сяброўкі Яўгеніі Тарасенкі. Яны праводзілі розыгрышы з дарагімі прызамі і абяцалі частку сабраных сродкаў пералічыць на лячэнне Вані.
Удзельнікам прапаноўвалі купіць нумар для ўдзелу ў нібыта дабрачыннай латарэі, абяцаючы смартфоны або нават аўтамабілі. Аднак з прыкладна паўтара мільёна рублёў, як сцвярджаецца, сям’і перадалі толькі частку сумы, а значныя сродкі пайшлі на прызы і асабістыя выдаткі блогераў.
Міхаіл Драгун пасля вызвалення пад падпіску аб нявыездзе заяўляў, што не лічыць сябе вінаватым, і тлумачыў, што ад пачатку казаў пра перадачу толькі часткі сабраных грошай. Суд па гэтай крымінальнай справе яшчэ наперадзе, абвінавачаным можа пагражаць да 12 гадоў пазбаўлення волі.
Нягледзячы на скандал, збор сродкаў на лячэнне Вані быў закрыты, і цяпер хлопчык атрымаў неабходны прэпарат.
Найбуйнейшая адмена рэйсаў з часоў пандэміі — ваенны канфлікт на Блізкім Усходзе справакаваў хаос у небе
Што посцяць беларускія селебрыціс, якія апынуліся пад бомбамі і дронамі ў краінах Бліжняга Усходу
«Басейны закрытыя, на пляжы рэкамендуюць не хадзіць». Што кажуць турысты ў ААЭ і Катары
«Белавія» паведаміла, што цяпер будзе з рэйсамі ў Дубай і Доху
Іранскія ракеты збіваюць у небе над Дубаем
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм15
Каментары