Адзін з падпісчыкаў тэлеграм-канала «От винта» прыслаў відэа, на якім, паводле яго слоў, зафіксавана знішчэнне расійскага беспілотніка, што заляцеў на тэрыторыю Беларусі.
Як сцвярджае аўтар запісу, ён быў зроблены 26 лютага ў Гомельскай вобласці.
На кадрах бачна, як дрон, які візуальна і гукам нагадвае БПЛА-прынаду тыпу «Гербера», збіваюць агнём са стралковай зброі. Мяркуецца, што гэта зрабіла мабільная агнявая група.
«Характэрна, што лаяльны ўладам ТГ-канал пра авіяцыю не пабаяўся размясціць відэа працы вайскоўцаў «ад падпісчыка». Верагодна, размяшчэнне было ўзгоднена, паколькі ў адваротным выпадку публікацыя магла б падпадаць пад шэраг новых крымінальных артыкулаў», — каментуе гэту публікацыю выданне «Флагшток».
Выданне ўдакладняе, што 26 лютага над Гомелем праляцела як мінімум 5 расійскіх БПЛА тыпу «Шахед»/«Гербера», адзін з іх быў збіты і ўпаў каля вёскі Рандоўка.
Цяпер чытаюць
Пачобут паразважаў, ад чаго залежыць будучыня Беларусі9
Каментары