«Гартаў тыкток і пабачыў, як жанчына расказвае пра махляроў». Мінчук ледзь не стаў кур’ерам тэлефонных ашуканцаў
Але свае 40 тысяч рублёў ён страціў.
53‑гадовы мінчук паверыў псеўдасупрацоўнікам «Водаканала» і прадыктаваў код з смс-паведамлення, паведамляе мінская міліцыя.
Затым з ім звязаліся псеўдапрацаўнікі КДК і паведамілі, быццам бы махляры завалодалі яго лічбавым подпісам і аформілі на яго імя крэдыт. Каб ануляваць гэту пазыку, мужчыну параілі самому ўзяць люстраны крэдыт на такую ж суму.
Паверыўшы ў тое, што яму дапамагаюць супрацоўнікі праваахоўных органаў, мужчына пайшоў у банк і ўзяў крэдыт на 40 тысяч рублёў. Пасля гэтага ён сустрэўся з жанчынай, якую лічыў кур’ерам Нацыянальнага банка, і перадаў ёй усе грошы нібыта для выплаты крэдыту.
Праз некаторы час махляры зноў патэлефанавалі мінчку і прапанавалі стаць іх кур’ерам. Ён пагадзіўся.
Аднак яшчэ да атрымання першага заказу ён убачыў у сацсетцы відэаролік ад супрацоўнікаў мінскай міліцыі, у якім ахвяра аналагічнай схемы махлярства расказвала сваю гісторыю.
Тады мужчына зразумеў, што ўцягнуты ў злачынства, і звярнуўся ў міліцыю.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары