Сахашчык купіў даччыную кампанію вялікага расійскага анлайн-рытэйлера ў Бельгіі
Пасля адыходу з пасады «міністра абароны» Ціханоўскай у жніўні 2024‑га Валерый Сахашчык засяродзіўся на развіцці сямейнага бізнэсу ў Польшчы. А месяц таму Валерый Сахашчык купіў бельгійскую кампанію Bygalamart B.V.
Bygalamart B.V. — гэта ў мінулым бельгійская даччыная кампанія вялікай расійскай рытэйлавай сеткі «Галамарт».
«Галамарт» запусціўся ў Бельгіі ў 2019‑м і прадаваў праз сайт бытавую тэхніку, кераміку і кухонны посуд
Кампанія не выйшла на ўстойлівы прыбытак, а па выніках 2022 года паказала глыбокі мінус. Пачынаючы з 2023 года, яе пачалі рыхтаваць на продаж: з балансу знік склад, запазычанасці выплацілі, балансавы кошт кампаніі зраўняўся з сумай статутнага фонду — 25 тысяч еўра.
З 1 сакавіка 2026‑га ў Bygalamart B.V. змяніліся ўласнік і кіраўніцтва. 100% акцый кампаніі цяпер належыць Валерыю Сахашчыку. А дырэктарам стаў украінец Максім Драбязгоў — аперацыйны менеджар у польскай будаўнічай сямейнай кампаніі Сахашчыкаў «Sahaty».
У 2024 годзе польскі «Sahaty» паказаў каля 145 тысяч еўра прыбытку пры абароце троху менш за 16 мільёнаў еўра.
Рынак Бельгіі Сахашчык асвойвае з канца 2023 года. Самы значны праект — удзел у будаўніцтве буйнога жылога комплексу ў Мехелене.
Валоданне бельгійскай кампаніяй у тэорыі спросціць Сахашчыкам удзелы ў падрадных конкурсах і тэндарах, а таксама спросціць працаўладкаванне супрацоўнікаў, у прыватнасці, беларусаў з працоўнымі візамі.
Перавага ў куплі такой кампаніі перад адкрыццём новай у тым, што ў яе ўжо ёсць крэдытная гісторыя і адкрытыя рахункі.
Чытайце таксама: Сахашчык пачаў продажы кватэр у сваім новым праекце пад Варшавай
Цяпер чытаюць
Пастпрад Беларусі ў ААН сустрэнецца з Коўлам і перадасць яму пасланне ад Лукашэнкі3
Пастпрад Беларусі ў ААН сустрэнецца з Коўлам і перадасць яму пасланне ад Лукашэнкі
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было55
Каментары