Кіроўца аўтобуса спрабаваў увезці ў Беларусь наркотыкі пад выглядам кансерваў
На беларуска-польскай мяжы ў пункце пропуску «Брэст» спынілі спробу ўвозу буйной партыі наркотыкаў. Паводле інфармацыі мытных органаў, забароненае рэчыва знайшлі ў рэчах кіроўцы пасажырскага аўтобуса.
Падазрэнне выклікалі некалькі кансервавых бляшанак з рознымі этыкеткамі — нібыта з макам і тушонкай.
Падчас праверкі з дапамогай рэнтгена высветлілася, што ўнутры знаходзяцца староннія прадметы. Калі бляшанкі адкрылі, у іх знайшлі поліэтыленавыя пакеты з белым парашком.
Экспертыза паказала, што гэта асабліва небяспечнае псіхатропнае рэчыва — мефедрон. Агульная маса канфіскаванага склала больш за 2,3 кілаграма.
Пазней удалося ўстанавіць і чалавека, якому прызначаўся гэты груз. Па факце завялі крымінальную справу. Падазраваным пагражае да 10 гадоў пазбаўлення волі.
18‑гадовая дзяўчына ў Брэсце памерла ад перадазіроўкі, было выяўлена восем наркотыкаў
У Варшаве беларус выкідаў з акна розныя прадметы, яго ўтаймавала паліцыя
У Мінску мужчына перакуліў у краме дзве скрынкі віна, але судзіць яго будуць не за гэта
Беларуса затрымалі на Балі з наркотыкамі: яму пагражае пажыццёвае зняволенне
У Мінску неадэкватны мужчына разграміў дзіцячы сад
Каментары