Статуэтка «Оскара» Паўла Таланкіна згубілася падчас пералёту з Нью-Ёрка ў Франкфурт
Падчас пералёту з Нью-Ёрка ў Франкфурт-на-Майне згубілася статуэтка «Оскар», якую расійскі відэограф Павел Таланкін атрымаў за дакументальны фільм «Спадар Ніхто супраць Пуціна», паведаміў сурэжысёр стужкі Дэвід Барэнштэйн.
Паводле яго слоў, 29 красавіка Таланкін прыбыў у аэрапорт імя Джона Кенэдзі ў Нью-Ёрку і збіраўся вылецець у Еўропу, а статуэтку «Оскара» хацеў правезці ў ручной паклажы. У аэрапорце супрацоўніца транспартнай бяспекі не дазволіла яму пранесці статуэтку на борт самалёта, палічыўшы, што яна можа быць выкарыстана як зброя, піша «Настоящее время».
Паколькі ў Таланкіна не было дадатковай сумкі, каб здаць статуэтку ў багаж, яе паклалі ў кардонную скрынку і адправілі рэйсам авіякампаніі Lufthansa, якім ён ляцеў. Аднак скрынка са статуэткай так і не прыбыла ў Франкфурт.
«Я шукаў, але не знайшоў ніводнага іншага выпадку, калі кагосьці прымушалі здаваць статуэтку «Оскар» у багаж. Ці паступілі б так з Паўлам, калі б ён быў вядомым акцёрам? Ці калі б свабодна размаўляў па-англійску?» — адзначыў Барэнштэйн.
У сваім допісе ён звярнуўся да Lufthansa з просьбай знайсці статуэтку. Праз некалькі гадзін авіякампанія адказала ў каментары да допісу Барэнштэйна, што ставіцца да такіх выпадкаў вельмі сур’ёзна і гатова дапамагчы знайсці статуэтку.
Цяпер чытаюць
Беларус зрабіў прапанову каханай каля знакамітага фантана Трэві ў Рыме — пад апладысменты дзясяткаў турыстаў23
Каментары