НАТА склікае экстраннае пасяджэнне пасля ўдару беспілотніка па шматпавярховым доме ў Румыніі
Расійскі беспілотнік, які ўпаў у Румыніі і параніў двух чалавек, прыцягнуў увагу НАТА.
«Пытанне будзе разгледжана на сумесным пасяджэнні», — пацвердзіў прэзідэнт Фінляндыі Аляксандр Стуб у X, аднак пакуль не стаў удавацца ў падрабязнасці.
Генеральны сакратар НАТА Марк Рутэ таксама рэзка асудзіў інцыдэнт. «Безразважныя дзеянні Расіі ствараюць небяспеку для ўсіх нас», — напісаў ён у X, піша Bild.
Пасол ЗША пры НАТА Мэцью Уітакер асудзіў уварванне беспілотніка на тэрыторыю Румыніі. «Мы стаім на баку нашага саюзніка па НАТА Румыніі, — напісаў ён у X. — ЗША будуць абараняць кожны сантыметр тэрыторыі НАТА».
У ноч на пятніцу адзін з расійскіх беспілотнікаў увайшоў у паветраную прастору Румыніі і ўрэзаўся ў дах шматкватэрнага дома ў горадзе Галац на поўдні краіны. у выніку чаго ўзнік пажар. Паводле даных экстранных службаў Румыніі, у выніку інцыдэнту пацярпелі два чалавекі, ім аказалі дапамогу на месцы.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары