Украіна пераразае шляхі забеспячэння расійскай арміі па трасе Таганрог — Марыупаль — Мелітопаль — Джанкой
Дарога вядзе ў Крым.
Сотні расійскіх вайсковых грузавікоў былі атакаваныя ўкраінскімі дронамі на трасе Таганрог — Марыупаль — Мелітопаль — Джанкой.
Сапраўднасць дзясятка відэазапісаў была пацверджана камандай па праверцы фактаў BBC Verify сумесна з аналітыкамі OSINT-праекта GeoConfirmed.
Гэтая магістраль стала адной з галоўных цэляў украінскіх дронаў.
На прааналізаваных відэа бачны згарэлыя фуры і іншыя вайсковыя машыны на розных участках трасы.
Паводле слоў Клемента Малеана з аналітычнага цэнтра Atum, вядома пра знішчэнне як мінімум 150 машын, якія знаходзіліся на адлегласці больш за 20 кіламетраў ад лініі фронту, і гэта, хутчэй за ўсё, толькі палова ўсіх падобных выпадкаў.
Штодня, паводле ацэнкі эксперта па сухапутнай вайне Роберта Толаста з брытанскага аналітычнага цэнтра RUSI, адна расійская брыгада павінна атрымліваць да 1000 тон грузаў (паліва, харчаванне і боепрыпасы). Калі ж перарэзаць шляхі забеспячэння, гэта, на яго думку, стане вельмі сур'ёзнай праблемай для Узброеных сіл Расійскай Федэрацыі.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары