Следчы камітэт Беларусі паведаміў пра завядзенне «спецыяльнай вытворчасці» ў дачыненні да вакалісткі беларускага метал-гурта Dymna Lotva Кацярыны Манкевіч.
Кацярына Манкевіч. Фота: «Еўрарадыё»
Па інфармацыі ведамства, Кацярыне Манкевіч інкрымінуюць шэраг крымінальных артыкулаў, у тым ліку прапаганду тэрарызму, фінансаванне тэрарыстычнай дзейнасці, садзейнічанне экстрэмісцкай дзейнасці, пагрозу гвалтам у дачыненні да Аляксандра Лукашэнкі і яго абразу.
Манкевіч пакінула Беларусь у 2021 годзе, заявіўшы пра пагрозу крымінальнага пераследу. Пасля эміграцыі яна жыла ва ўкраінскім Ірпені. З пачаткам поўнамаштабнага расійскага ўварвання ва Украіну сям'я правяла каля двух тыдняў у бамбасховішчах, пасля чаго эвакуявалася ў Польшчу.
Каментары