Жыхар Хойніцкага раёна Гомельскай вобласці, шэсць разоў асуджаны за кватэрныя крадзяжы, быў затрыманы 5 лістапада ў Гродне паводле падазрэння ва ўчыненні ў абласным цэнтры чатырох аналагічных злачынстваў.
Як паведаміў супрацоўнік аддзялення інфармацыі і грамадскіх сувязяў УУС Гродзенскага аблвыканкама Ігар Белазёраў, злодзей «працаваў» у кватэрах, размешчаных на другім паверсе жылых дамоў, папярэдне адкрываючы вокны, каб уцячы ў выпадку раптоўнага з’яўлення гаспадароў. Затрымалі злачынца на чыгуначным вакзале пры спробе сесці ў цягнік, які накіроўваўся ў Гомель. Акрамя выкрадзеных каштоўнасцяў і грошай у яго знайшлі набор прыладаў для адмыкання замкоў.
Зараз злачынца знаходзіцца ў ізалятары часовага ўтрымання Кастрычніцкага РАУС. Ва ўчыненні злачынстваў ён прызнаўся.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм13
Каментары