Кандыдат у прэзідэнты прапануе «правіла Лінкальна», паводле якога чалавеку, што выяўляе карупцыю належыць 25% скрадзенага.
Адным з прыярытэтных накірункаў прэзідэнцкай кампаніі Беларускай хрысціянскай дэмакратыі ёсць барацьба з карупцыяй. Некалі з антыкарупцыйнага дакладу пачынаў і Аляксандр Лукашэнка.
«У нашай краіне існуе татальная карупцыя, асабліва ў малых гарадах. Нашай мэтай ёсць ліквідацыя гэтай заганнай з’явы, — кажа кандыдат у прэзідэнты В.Рымашэўскі. — Пасля нашага прыходу да ўлады колькасць чыноўнікаў будзе зменшаная мінімум у тры разы».
Дарэчы, выступіў Рымашэўскі і з цікавай прапановай: увесь «закон Лінкальна», паводле якога чалавеку, што выяўляе карупцыю належыць 25% скрадзенага.
«Пасля нашага прыходу да ўлады ўсім чыноўнікам будзе дадзены трохмесячны тэрмін для пакаяння і прызнання ў карупцыйных злачынствах», — кажа палітык.
БХД цяпер стварае антыкарупцыйны камітэт. Ягоны кіраўніком будзе былы бабруйскі прадпрымальнік Вячаслаў Шэлег. У 2006 годзе ён быў арыштаваны, але праз год усе абвінавачванні былі знятыя. Тым не менш, бізнес сп.Шэлега быў ужо разгромлены. Цяпер ён спрабуе кампенсаваць гэтыя страты, але паўсюль сутыкаецца з адмовамі.
Таксама БХД прыняла заяву да Адміністрацыі прэзідэнта па гульнявым бізнесе. Хадэкі прапаноўваюць на ўзор Расіі і Украіны ўвядзенне «гульнявых зонаў» па‑за межамі населеных пунктаў, а таксама забараніць рэкламу азартных гульняў і латарэй.
Каментары