Старшыня ўрада Расеі Уладзімір Пуцін заявіў, што «не гатовы даваць ацэнку» выбарам, якія прайшлі ў Беларусі, а з парушэннямі на іх «трэба разбірацца дэталёва». Аб гэтым ён заявіў сёння журналістам, паведамляюць расейскія інфармагенцтвы.
«Я не сачыў за выбарамі ў Беларусі, але колькасць тых, хто прагаласаваў, — відавочны факт… Трэба паважаць выбар народа», — сказаў Пуцін.
Што тычыцца жорсткага разгону дэманстрацыяў і прызнання назіральнікамі АБСЕ выбараў несвабоднымі і недэмакратычнымі, дык Пуцін падкрэсліў: «Ацэнку рабіць не гатовы, трэба разбірацца дэталёва».
Нагадаем, што, паводле афіцыйных звестак, за Лукашэнку прагаласавала 80% выбарцаў. Аднак на тых рэдкіх участках, дзе назіральнікам дазволілі адсачыць падлік галасоў, у дзень галасавання Лукашэнка атрымліваў толькі 30–40% галасоў. У дзень выбараў дзясяткі тысяч людзей выйшлі на вуліцы ў Мінску, каб запатрабаваць «свабодных выбараў без Лукашэнкі».
Цяпер чытаюць
Беларус зрабіў прапанову каханай каля знакамітага фантана Трэві ў Рыме — пад апладысменты дзясяткаў турыстаў20
Каментары