Вёска Баркоўка Томскай губерні. Нашы людзі і ў Сібір перасяліўшыся прытрымліваюцца сваіх звычаяў: на Каляды ладзілі гульні з казой і мядзведзем. І ўсё б добра, каб не надумалі ехаць у суседнюю вёску. Убраўшы чалавека ў свежую яшчэ мядзведжую скуру, прывязалі «мядзведзя» да санак. Як знюхаў конь мядзведзя, дык спудзіўся і папёр з усяе сілы ў поле. Санкі, трапіўшы на пень, падкінуліся, вяроўка абкруцілася аб пень і адарвала чалавеку галаву.
«НН». № 8. 1911
Міліцыя арыштавала Аляксандра Чыгіра, Васіля Быкава і іх сябра Сяргея Каляду па падазрэнні ў продажы скрадзеных аўтадэталяў. Гучныя прозвішчы адразу прыцягнулі да сябе ўвагу. І ўся прэса напісала пра Быкава як пра пляменніка пісьменніка.
Толькі праз некалькі дзён адвакатка Быкава абвесціла, што ейны падабаронны не з’яўляецца сваяком пісьменніка Васіля Быкава.
Васіль, магчыма, выдаваў сябе за сваяка пісьменніка даўно й сам звыкся з думкай, што ён мае дачыненне да Быкава. Найхутчэй, ні Васіль, ні ягоная жонка ніколі не задумваліся, чыім імем яны спекулююць.
«НН». № 8. 2001
Цяпер чытаюць
Беларус зрабіў прапанову каханай каля знакамітага фантана Трэві ў Рыме — пад апладысменты дзясяткаў турыстаў23
Каментары