Прысуд па крымінальнай справе супрацьэкс-кандыдатаў у прэзідэнты Міколы Статкевіча і Дзмітрыя Уса, а таксама шараговых удзельнікаў Плошчы Аляксандра Класкоўскага, Аляксандра Квяткевіча, Дзмітрыя Буланава, Андрэя Пазняка і Арцёма Грыбкова будзе абвешчаны сёння, 26 мая, а 14 гадзіне ў судзе Ленінскага раёна Мінска (Сямашкі, 33).
Раней прысуд адкладваўся па прычыне хваробы суддзі Грачовай.
Нагадаем, што 18 мая пракурор Ленінскага суда запатрабаваў засудзіць Мікалая Статкевіча і Дзмітрыя Уса на 8 і 7 гадоў калоніі, Аляксандра Класкоўскага (па сукупнасці злачынстваў) — да васьмі з паловай гадоў пазбаўлення волі ў калоніі ўзмоцненага рэжыму, Аляксандра Квяткевіча, Дзмітрыя Буланава, Андрэя Пазняка і Арцёма Грыбкова — да чатырох гадоў пазбаўлення волі ў калоніі ўзмоцненага рэжыму. Дзмітрыя Уса было прапанавана ўзяць пад варту проста ў зале суда, паколькі ён не знаходзіўся ў турме.
Нагадаем, што ўчора, 25 мая, Лукашэнка заявіў у Астане, што «мы верагодна выпусцім усіх палітвязняў».
Каментары