Зміцер Дашкевіч перадаў адвакату скаргі на нестатутнае абыходжанне ў калоніі
Лідар міжнароднай маладзёжнай арганізацыі «Малады фронт» (Чэхія) Зміцер Дашкевіч перадаў свайму адвакату шматлікія скаргі на нестатутнае абыходжанне ў калоніі.
Як паведаміла намеснік старшыні «Маладога фронту» і нявеста Дашкевіча Анастасія Палажанка, адвакат нарэшце змог сустрэцца з Дзмітрыем вечарам 24 жніўня. «Дашкевіч падаў скаргі на неаднаразовае парушэнне адміністрацыяй папраўчай калоніі № 9 яго права на абарону і іншых прадугледжаных законам правоў. Акрамя гэтага,
Дашкевіч заяўляе пра націск і правакацыі ў дачыненні да яго з боку асуджаных»,— сказала Палажанка.
Паводле яе слоў, Дашкевіч напісаў скаргі ў Генеральную пракуратуру, дэпартамент выканання пакаранняў, ва ўпраўленне ўласнай бяспекі МУС, у МУС і іншыя структуры.
Палажанка нагадала, што адвакаты не маглі трапіць на спатканне да Дашкевіча на працягу апошніх двух месяцаў. У сувязі з гэтым актывісты «Маладога фронту» нават праводзілі пікет каля сцен калоніі, падчас якога былі затрыманы, а пазней асуджаны і пакараны адміністрацыйным арыштам.
Некалькі дзён таму Палажанка накіравала ў Генпракуратуру заяву з патрабаваннем распачаць крымінальную справу ў дачыненні да кіраўніцтва калоніі № 9 у Горках (Магілёўская вобласць), якое парушае права Дашкевіча на абарону.
Зміцер Дашкевіч разам з актывістам «Маладога фронту» Эдуардам Лобавым былі затрыманы ў Мінску за дзень да прэзідэнцкіх выбараў, 18 снежня 2010 года. Іх абвінавацілі ў збіванні двух мінчан. Затрыманне маладых палітыкаў прадстаўнікі апазіцыі і праваабаронцы расцанілі як прэвентыўную меру міліцыі напярэдадні выбараў і акцыі апазіцыі. 24 сакавіка суд прыгаварыў Дашкевіча да двух гадоў пазбаўлення волі з адбываннем пакарання ў калоніі агульнага рэжыму.
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары